做自家行自家个路(客)

這個學校真闊，大晨早真多人來運動，真鬧熱。

有人打太極拳，有人作外丹功、健美操，跳土風舞、元極舞，

猶有佇練法輪功个。 ##ReadMore##

運動場有人行、有人走，網球場有人打球，

樹下嘛有人佇比手「扌內」腳。

透早，來運動个人，大部分係老儕和中年人，真少眏著少年人。

今日，「亻厓」猶擱和平常日共款，佇運動場行。

真多人用行个，嘛有人用走个，

隨自家个自由，討正行、倒行，抑係兩三個作垺，邊行邊講，攏無要緊，

毋過攏共一個方向，毋會相碰著。

行啊行，眏著一個少年人走真緊，喘得大聲小聲。

「亻厓」心內正討安努這個少年人，毋會像現時社會个少年人，

耍電腦耍得三更半夜，日頭炙屎腹正討起來。

毋過「亻厓」感覺怪怪，佢樣子和逐個人攏無共一個方向，每每討和人相碰著。

毋過毋管係樣子，逐個人攏順自家个跑道去行，無人講佢毋著裡，佢嘛無感覺。