食老有三好(客)

晨早時佇運動公園行路，頭頭大家攏毋相識無相借問，有時見面毋係[冘頁]一個頭，

即講一句『敖力』早，一儕行一位攏無佇講事。##ReadMore##

一暫時間以後，漸漸熟悉起來，自按行作垺即會講事。

日頭若猛，大家佇樹下歇涼，講事講毋煞。有人想起來問，X X 足久無眏著矣。

和佢恬恬行作垺遐個夫娘人講，取孫仔無閒；食老毋係顧屋下，即係取細子，

若拄著後生不孝，即愛等死。你人無聽人得講，食老有三好：取細子好，顧屋下好，

到尾即係死好。

猶一個夫娘人講：「亻厓」若娶新婦，「亻厓」毋愛和佢人蹛作垺，

老儕自家炰較自由，毋會逐日見面冤家變冤仇。這嘛食老愛靠自家，

毋靠少年，所以身體愛訓練好，老本愛顧好，有老朋友作伴頭好。

影片內底遐兜夫娘人，七八十歲矣，毋過真勤運動，七早八早作外丹功了後擱跳舞，

你眏，佢人實在跳到真歡喜。身體若勇勇，自家快活，屋下个人嘛正會放心。