粄葉樹（客）

眏著粄葉樹，即有足多个回憶。

細漢个時，恬恬會跁上樹崠捉金蛄來賞。 ##ReadMore##

粄葉樹真大頭，樹下真涼，房頭內个細子會作垺佇遐辦家貨、點膨嬰。

有時會捋花心來黏佇鼻、嘴「卑頁」，變把戲，真好賞。

妹子人愛靚，手甲、腳甲攏用花心漆作豬肝色，靚擱心適。

過年過節，阿依做「包仔粄」，用粄葉來墊，

炊起來个「包仔粄」有香味、擱好食。

經過幾十年，這兜心適个事情，猶記佇心。


（1）黃色个花真靚。


（2）開花和吂開个花苞。

（3）內底、花心攏係豬肝色。

（4）無論斡哪裡，眏起來攏真靚。

（5）佢頭犁犁佇問： 「亻厓」有靚麼？

（6）圓圓个葉好墊粄。

（7）老樹頭真大，下腳擱發新穎。

（8）粄葉樹真耐命，裁過又擱發愈多。

（9）作穡人會佇園橫頭个路唇種粄葉樹好歇涼。