想（客）

打早開車討去泅水，駛過一區蕃薯園，一大陣个白鷺鷥跳來跳去佇捋食。##ReadMore##

蕃薯葉若無射藥，有真多蟲，毋怪有幾十隻个白鷺鷥，眏過去一片白雪雪，這係成過毋識眏

个，感覺真心適。



真多年，無論透風、落雨，來泅水个人，逐日見面、泅水，攏真悉熟、感情嘛真好。因為這

間店討歇業，一想著韶日起無通作垺，今日大家攏毋盼走。頭家真無意思，寒天較無人客即

講討修理物件愛歇睏，一歇即兩個月，這兜逐日來捧場个人，毋知討去哪位泅水矣。有个人

討去別間泅，有人討騎鐵馬，有人討行路。人愛作垺正有感情，若四散去，感情即會慢慢薄

去。



水道水个 過濾器、22吋螢幕、保養品、皮包、手機、翕相機、果汁機、電鬍刀、C D，攏係

後生和阿女送个，煮飯、眏電腦、洗面、出門、打電話、翕相、聽音樂 --- 攏會想著佢人。

屋下底愈來愈多佢人兩個買个物件，係佢人大漢有孝，抑係爺哀老矣，越來越愛靠子兒？